Lax með spínati, sætum kartöflum og kókossósu

ROSA hollt og gott

4 Laxabitar
1/2 poki ferskt spínat
1 sæt kartafla
1/2 dós kókosmjólk
1 tsk rautt karrímauk
1 msk fiskisósa
Safi úr 1/2 sítrónu
1 tsk púðursykur
ólífuolía
salt og pipar

Smyrja eldfast mót með ólífuolíu. Setja spínatið í botninn á forminu og raða laxabitunum þar yfir, salta þá og pipra.
Skera sætu kartöfluna í ræmur (nógu þunnar til að þær eldist á 20 mínútum við 200°C) og strá þeim yfir laxinn. Blanda svo vel saman kókosmjólk, karrímauki, fiskisósu, sítrónusafa og púðursykri og hella yfir herlegheitin. Elda við 200°C í 20-30 mín, eftir því hvað laxabitarnir eru þykkir.
Bera fram með hrísgrjónum og salati.


Ég myndi setja aðeins meira karrímauk næst, ég setti alveg kúfaða teskeið núna. En þetta er rosa góð leið til að elda lax án þess að drekkja honum í smjöri eins og ég er vön

ég ætla að elda þetta á morgun!

Líst vel á það, segðu mér svo hvað þér finnst!

mmm þetta var geggjaðslega gott!

Ég setti einmitt meira af karrýinu en þú og það var mjög gott. Þetta er svipuð sósa og er notuð á matsama curry kjúlla.

Frábært