Granólakaka súfistans

Þið sem komið í veisluna um helgina eigið eftir að smakka þessa, hún er sjúúúúúklega góð.


Granólaterta Súfistans

2 botnar
6 egg
220 g sykur
80 g heslihnetur, saxaðar
200 g Granóla-morgunkorn
30 g kornflögur, muldar
150 g súkkulaði, saxað
100 g hveiti
2 tsk. lyftiduft


Þeytið egg og sykur vel saman þangað til áferðin verður létt og ljós. Blandið
þurrefnunum mjög varlega saman við með gaffli. Smyrjið tvö 30 cm form vel, gott er að setja bökunarpappír í botninn, og skiptið deiginu jafnt á milli þeirra. Bakið við 170-180°C í 20-25 mín.


Karamellukrem:

150 g púðursykur
50 g smjör
3 dl rjómi
örfáir vanilludropar

Setjið allt saman í pott og látið sjóða þangað til blandan þykknar. Hellið
karamellunni í skál og leyfið henni að kólna.

Samsetning:
4 dl rjómi, þeyttur
Leggið botnana saman með þeyttum rjóma á milli og hellið karamellukreminu ofan á.

omm nomm nomm

mig hlakkar svo til að smakka hana heimabakaða. hún er náttúrlega bara sjúk nið á súfusta.